Hy het jou bekend gemaak, o mens, wat goed is; en wat vra die HERE van jou anders as om reg te doen en liefde te betrag en ootmoedig te wandel met jou God? Miga 6:8
Beste Vriend
Hierdie Paasfees, terwyl ons die wonderbare daad van liefde onthou, mag ons die grootste seëninge met mekaar deel: vrede in ons harte, vriendelikheid in ons optrede en die genade om ander sonder oordeel te aanvaar en op te hef. Mag hierdie seisoen ons geloof vernuwe en ons lewens vul met hoop. Romeine 5:6-10 - Toe ons nog magteloos was, het Christus immers reeds op die bestemde tyd vir goddeloses gesterwe. 'n Mens gee tog nie sommer jou lewe prys nie, selfs nie vir 'n regverdige nie. Ja tog, vir 'n goeie mens sal iemand miskien nog die moed hê om te sterwe. Maar God bewys sy liefde vir ons juis hierin dat Christus vir ons gesterf het toe ons nog sondaars was. Aangesien ons nou vrygespreek is op grond van sy versoeningsdood, staan dit soveel vaster dat ons deur Hom ook van die straf van God gered sal word. Aangesien ons, toe ons nog vyande was, deur die dood van sy Seun met God versoen is, staan dit soveel vaster dat ons, nou dat ons versoen is, deur die lewe van sy Seun gered sal word. My Gebed. Here, ons buig voor U met dankbare harte. Dankie vir die opoffering wat vir ons hoop en vernuwing bring. Leer ons om in U goedheid te wandel, om U barmhartigheid aan ander uit te reik en elke persoon met genade en nederigheid te omhels. Mag U liefde ons optrede lei en ons vul met dankbaarheid vir die seëninge wat ons deel. Amen. Jy is gered deur die lewe van Jesus Christus. Ons vra omverskoning vir die vertraging in die uitstuur van die nuusbrief. Ons het "server" probleme wat net van tyd tot tyd werk. Ons diensverskaffers werk daaraan om die probleem op te los. Jammer vir enige ongerief. 
Ds Wynand en Dr Barbara Louw
Inter Trauma Nexus
info@itn.org.za
0837001441
Posbus 165, Garsfontein, 0042
