Hy het jou bekend gemaak, o mens, wat goed is; en wat vra die HERE van jou anders as om reg te doen en liefde te betrag en ootmoedig te wandel met jou God? Miga 6:8
Beste Vriend
Voordat jy bou, bereken die koste, want enigiets van blywende waarde dra 'n prys. 'n Godgegewe droom is 'n heilige skat, wat nie ligtelik opgeneem moet word nie. Dit sal jou moed, jou moeite en jou volharding vereis. Maar dit is ook die einste ding wat lewe in jou dae sal blaas en jou elke oggend 'n doel sal gee om op te staan. Drome floreer slegs wanneer ons dit doen. Wanneer ons aksie neem, in geloof uittree en ons tot die reis verbind. Matteus 19:26 - Jesus het reguit na hulle gekyk en gesê: “Vir mense is dit onmoontlik, maar vir God is alles moontlik.” My gebed. Here, dankie vir die droom wat U my gegee het. Dankie dat U my die krag, energie en wysheid gee om aan my droom te werk. Here, laat U lig en genade op ons land en ons mense skyn. Dankie dat U voorsiening maak vir ons om ons droom uit te voer. Amen. Die boek ‘Shaped by the Storm: Bonsai Insights for Life Beyond Medical Trauma’ is nie uit ’n droom gebore nie. Dit is gebore in een van die mees ongunstige tye van ons lewens en dien as ’n getuienis van die goedheid van God. Hier is die skakel na die video van die boekbekendstelling. Vir God is alles moontlik.
Ds Wynand en Dr Barbara Louw
Inter Trauma Nexus
info@itn.org.za
0837001441
Posbus 165, Garsfontein, 0042
