Hy het jou bekend gemaak, o mens, wat goed is; en wat vra die HERE van jou anders as om reg te doen en liefde te betrag en ootmoedig te wandel met jou God? Miga 6:8
Beste Vriend
God kan baie meer doen as wat jy verwag. Die uitdaging is dat jy net sien waarna jy soek. As jy slegte dinge verwag, sal jy bevooroordeeld wees om enigiets wat jou bedreig vinnig te identifiseer. Jy sien selfs dreigemente en slegte nuus wat niks met jou te doen het nie. Slegte nuus voed ongeloof en hopeloosheid, sonder om vals stories te onderskei. Laat vandag die dag wees wat jy verwag om 'n standvastige, gesonde verhouding met God te hê. Kies om jou oë te open vir Sy seëninge sowel as vir Sy goedheid en genade waar jy ook al gaan. Besluit om die wonder en skoonheid in Sy skepping te sien. Vertrou God heeltyd! Efesiërs 3:20 DB - God is so magtig en sterk. Juis met daardie krag werk Hy ook in ons. Hy kan en het dinge vir ons gedoen waarvan ons nie eens kon droom nie. My gebed. Hemelse Vader, daar is tye wanneer media en stories oor slegte nuus, oorlog en korrupsie meer op die voorgrond is as U Woord. Ek kies om al U Beloftes te glo. Gee my asseblief die gawe van geloof deur U Gees (Ef. 2:8-9), op dieselfde wyse as wat U aan my verlossing geskenk het. Dankie dat U gawe van geloof my in staat stel om uit te styg bo druk en probleme wat my andersins kan lamlê. HERE, maak my geloof 'n onwrikbare vertroue in U om U beloftes na te kom, maak nie saak wat nie. Dankie dat ek op U kan vertrou, in die Naam van Jesus Christus. Amen. God het dinge vir jou gedoen waarvan jy nie eens kon droom nie.
Ds Wynand en Dr Barbara Louw
Inter Trauma Nexus
info@itn.org.za
0837001441
Posbus 165, Garsfontein, 0042
