Hy het jou bekend gemaak, o mens, wat goed is; en wat vra die HERE van jou anders as om reg te doen en liefde te betrag en ootmoedig te wandel met jou God? Miga 6:8
Beste Vriend
Om die lewe suksesvol te navigeer sonder gebed is so onmoontlik soos om sonder asem te leef. Net soos elke asemteug jou liggaam onderhou, voed gebed jou gees, en verbind jou met die Een wat jou ten volle ken en jou volkome liefhet. Stel jou voor wat kan verander as jou gebede geanker is in dankbaarheid en genade - met jou oë nie gevestig op jou uitdagings nie, maar op die onwrikbare goedheid van God. Wanneer jy in geloof bid en Sy volmaakte tydsberekening en doel vertrou, maak jy jou hart oop om baie meer te ontvang as wat jy kan dink. Die Bybel verseker ons dat wanneer ons in geloof vra, ons sal ontvang. Nog voor die antwoord kom, dra genade ons, en dankbaarheid versterk ons. Haal dus diep asem. Bid met vrymoedigheid. Vertrou volkome. En kyk hoe God se genade in jou lewe ontvou – nie altyd soos jy verwag nie, maar altyd met liefde wat nooit faal nie. Matteus 21:22 - “As julle glo, sal julle alles ontvang wat julle in die gebed vra.” My gebed. Hemelse Vader, dankie dat ek weet U hoor elkeen van my gebede. Help my asseblief om deur U oë na my probleme en uitdagings te kyk. Here, help my om gereed te wees om die influistering van die Heilige Gees te hoor terwyl U my lei om te doen waarvoor U my geroep het. Dankie dat U getrou is aan U Woord. Amen. As jy glo, sal julle alles ontvang wat jy God in die gebed vra.
Ds Wynand en Dr Barbara Louw
Inter Trauma Nexus
info@itn.org.za
0837001441
Posbus 165, Garsfontein, 0042
